你一定会喺Pantry遇见嘅五种人

2020-01-23 作者: 围观:170 92 评论

Pantry,每个返Office嘅打工仔必定会逗留嘅地方。唔好以为呢度只有水机、雪柜同零食,其实,如果用心观察,你就可以喺呢个小小嘅空间发现人性……有人入嚟真係只为斟水、有人为咗?下隔篱team个男神女神、有人为咗交换情报(即係讲是非)。以下呢五种人,唔知你又有冇喺Pantry遇见过呢?

冇手尾嘅PK

你一定会喺Pantry遇见嘅五种人你一定会喺Pantry遇见嘅五种人你一定会喺Pantry遇见嘅五种人

无论係食完蛋挞唔掉个纸盒、写明要合返埋个盖都唔合、定係饮完水放只杯喺锌盆,都係冇手尾嘅PK!做咩呀而家,以为自己带埋工人姐姐返工帮你执手尾呀?

唔换水嘅PK

你一定会喺Pantry遇见嘅五种人

见唔见盏红色灯仔着晒呀!冇水呀!其实唔够力换水真係冇问题㗎,不过最紧要你出声,唔好偷偷地走咗去啰,大家咁熟,唔会话唔帮你嘅!唔係你同用净最后一格厕纸都唔换埋佢嘅PK有咩分别呀!

偷食嘅PK

你一定会喺Pantry遇见嘅五种人

你一定会喺Pantry遇见嘅五种人

点解好地地要写张告示咒人变唯萎同罚睇张保仔咁邪恶(张纸係两年前写落)?咪就係因为有偷食嘅PK啰!大家毫无防备咁将自己嘅宝贵财产放入公家雪柜,点知就畀PK利用保安漏洞,偷偷地食咗去,令到同事之间嘅信任完全崩坏!

扮买咗手信嘅PK

你一定会喺Pantry遇见嘅五种人

每当有同事去完旅行返嚟,大家一齐喺pantry食下手信吹几句水,都係开心嘅。不过留意返,係讲紧坚手信呀下,某一日,枱面竟然出现咗罐曲奇,上面张memo仲要写住「丹麦手信」,毛毛都谂紧点解唔喺大group讲声㗎喇,点知原来条友係拎新年嗰阵屋企食净嘅曲奇返嚟欺骗我哋感情啰!

将粮食私有化嘅PK

你一定会喺Pantry遇见嘅五种人

呢位同事,乜你咁多零食嘅?好肚饿呀?睇真啲,同pantry零食柜啲饼咁似样嘅餵……公家嘢,肚仔饿拎嚟食梗係冇问题啦,不过你咁样私有化,好听就叫「储起」,唔好听就叫「霸住」喎。

点解呢五类人全部都係PK?因为pantry係公司嘅一部份啰,公司又係社会嘅一部份吖嘛,咁你话有咩可能唔遇到PK喎!